Kominike lors Tuta absoluta

Minister Ágro-indistri ek Sekirite Alimanter pe inform planter ek piblik an zeneral ki enn insek ki apel Tuta absoluta nwizib pou pom damour ek lezot kiltir vivrier kouma pom de ter, brinzel, bred malbar ek bred martin.

Finn detekte li zedi dernie pandan kanpayn sirveyans routinn.

Ziska ler prezans Tuta absoluta finn obzerve dan enn douzenn lokalite prinsipalman dan lenor ek lest pei.

Pest Monitoring Committee ki ekziste dan minister pe ekzers enn sirveyans strikt e sitiasyon pa alarman ziskaler.

Enn protokol pou kontrol ek tretman finn deza met anplas et li disponib lor sitweb minister ek FAREI.

Minister pe fer apel a planter pou res plis vizilan. O-ka zot trouv bann sinptom dan zot plantasyon pran kontak imediatman avek bann ofisie ekstansyon FAREI dan zot rezion ou avek Servis antomolozi lor 52531715 ek 57518036.